თქვენი პერსონალური მონაცემების დაცვა ჩვენთვის მნიშვნელოვანია. ვინაიდან, გვსურს, რომ თქვენ ჩვენთან ურთიერთობისას თავს უსაფრთხოდ და კომფორტულად გრძნობდეთ, ისეთი პერსონალურ მონაცემთა დაცვის პოლიტიკის შემუშავება, რომელიც მკაფიოდ და იოლად გასაგებ ენაზე გადმოსცემდა ჩვენი მხრიდან პერსონალური მონაცემების დამუშავების ძირითად ასპექტებს, ჩვენს უპირობო ვალდებულებად დავისახეთ. წინამდებარე პოლიტიკა ამგვარად შემუშავდა. ის ნათლად წარმოაჩენს, რომ ჩვენთვის ფასეულია მონაცემთა დაცვის თქვენი პრეფერენციები და, ვცდილობთ, მოგაწოდოთ მაქსიმალურად სრული და ზუსტი ინფორმაცია თქვენი პერსონალური მონაცემების დამუშავებისა და უფლებების შესახებ.

მომხმარებლებთან ურთიერთობის ფარგლებში ჩვენ დროდადრო ვამუშავებთ თქვენი პერსონალური მონაცემების სხვადასხვა კატეგორიას, მკაცრად განსაზღვრული მოცულობითა და მიზნობრიობით, როგორც ეს აღწერილია წინამდებარე პერსონალური მონაცემების დაცვის პოლიტიკაში. აღნიშნული საჭიროა იმისათვის, რომ თქვენ, როგორც ჩვენმა მომხმარებელმა (კლიენტმა), შეძლოთ სს „გუდვილისა“ და შპს „ჰიპერმარკეტ საბურთალოში“ (შემდგომში „გუდვილი“) საუკეთესო მომსახურების მიღება.

ჩვენი პერსონალური მონაცემების დაცვის პოლიტიკა შემუშავებულია “პერსონალურ მონაცემთა დაცვის შესახებ” საქართველოს კანონისა და ევროკავშირის მონაცემთა დაცვის ზოგადი რეგულაციასთან (GDPR) შესაბამისობაში და წარმოადგენს თქვენი პერსონალურ მონაცემების დამუშავებისა და მათი უსაფრთხოების სამართლებრივ საფუძველს.

ვინ ვართ ჩვენ?

სს „გუდვილი“(ს/კ 206343991) და შპს „ჰიპერმარკეტი საბურთალო“ (ს/კ 405500792), რომლებიც ერთი და იგივე სასაქონლო ნიშნის ქვეშ ოპერირებენ და ერთობლივად მოხსენიებულია, როგორც „გუდვილი“ წარმოადგენს თქვენი მონაცემების დამუშავებაზე პასუხისმგებელ პირს.

მას დანიშნული ჰყავს პერსონალური მონაცემების დაცვის ოფიცერი, რომელთან კონტაქტი შესაძლებელია ჩვენი სატელეფონო ხაზის მეშვეობით: +995 511 25 46 26 ან ელექტრონულ ფოსტაზე: dpo@goodwill.ge ყოველგვარი დამატებითი საფასურის გარეშე.

ვის ეხება წინამდებარე პოლიტიკა?

წინამდებარე პოლიტიკა განკუთვნილია „გუდვილის“ როგორც მომხმარებლებისთვის (კლიენტებისთვის), ასევე, მისთვის პროდუქციის ან მომსახურების მიმწოდებლებზე. ის ვრცელდება ყველა ფიზიკურ და იურიდიულ პირებზე, არაიურიდიულ პირებზე, სახელმწიფო ან ადგილობრივი თვითმმართველობის ერთეულებზე, საჯარო სამართლის იურიდიულ პირებზე, მერჩანტებზე, აგენტებზე, საგადახდო სისტემის პროვაიდერებზე და სხვა ნებისმიერ პირზე (შემდგომში - თქვენ, მონაცემთა სუბიექტი), რომელიც რაიმე ფორმით დაკავშირებულია „გუდვილთან“ და მათ შორის იმ პირებზე, რომლებიც „გუდვილისგან“ იღებენ ელექტრონულ მომსახურებებს და უკავშირდებიან მას ელ-ფოსტის, ვებ-გვერდის, მობილური აპლიკაციის, სატელეფონო ან მის მიერ სოციალურ მედია გვერდებზე (მაგალითად, Facebook,Instagram) მართულ ანგარიშებზე.

პოლიტიკა შესაძლოა, დროდადრო განახლდეს. აქედან გამომდინარე, ჩვენ გირჩევთ, რომ მას რეგულარულად გაეცნოთ. პოლიტიკის უახლესი ვერსია ხელმისაწვდომია „გუდვილის“ ვებ-გვერდზე: www.goodwill.ge.

განმარტებები

„პერსონალური მონაცემი“ (შემდგომ − მონაცემი) არის ნებისმიერი ინფორმაცია, რომელიც იდენტიფიცირებულ ან იდენტიფიცირებად ფიზიკურ პირს უკავშირდება. ფიზიკური პირი იდენტიფიცირებადია, როდესაც შესაძლებელია მისი იდენტიფიცირება პირდაპირ ან არაპირდაპირ, მათ შორის, სახელით, გვარით, საიდენტიფიკაციო ნომრით, გეოლოკაციის მონაცემებით, ელექტრონული კომუნიკაციის მაიდენტიფიცირებელი მონაცემებით, ფიზიკური, ფიზიოლოგიური, ფსიქიკური, ფსიქოლოგიური, გენეტიკური, ეკონომიკური, კულტურული ან სოციალური მახასიათებლით;.

„მონაცემთა დამუშავება“ არის მონაცემთა მიმართ შესრულებული ნებისმიერი მოქმედება, მათ შორის, მათი შეგროვება, მოპოვება, მათზე წვდომა, მათი ფოტოგადაღება, ვიდეომონიტორინგი ან/და აუდიომონიტორინგი, ორგანიზება, დაჯგუფება, ურთიერთდაკავშირება, შენახვა, შეცვლა, აღდგენა, გამოთხოვა, გამოყენება, დაბლოკვა, წაშლა ან განადგურება, აგრეთვე, მონაცემთა გამჟღავნება მათი გადაცემით, გასაჯაროებით, გავრცელებით ან სხვაგვარად ხელმისაწვდომად გახდომით.

„გუდვილი“ გულისხმობს ერთი და იგივე სასაქაონლო ნიშნის ქვეშ ოპერირებად სს „გუდვილსა“ და შპს „ჰიპერმარკეტ საბურთალოს“.

„ელექტრონული მომსახურება“ – „გუდვილის“ ელექტრონული პლატფორმებით: ვებ-გვერდის, აპლიკაციასა და სხვა ონლაინ პლატფორმებით, დაგროვებითი (ლოიალობის) ბარათით სარგებლობა და შესაბამისი მომსახურების მიღება.

I. მოკლე მიმოხილვა

თქვენს პერსონალურ მონაცემებს „გუდვილი“ სხვადასხვა გზით ამუშავებს. ჩვენ ვართ მაქსიმალურად ღია და გამჭვირვალე იმისთვის, რომ გაგიზიაროთ, როგორ ხდება თქვენი მონაცემების დამუშავება, როგორც ფიზიკურად, თქვენი მაღაზიაში სტუმრობისას, ასევე, ჩვენი ნებისმიერი ელექტრონული მომსახურებით სარგებლობისას.

თქვენი ჩვენს ვებ-გვერდზე ვიზიტისას (www.goodwill.ge), მობილურ აპლიკაციაში თუ სხვა ონლაინ პლატფორმით „გუდვილის“ მომსახურების მიღებისას, ასევე, „გუდვილის“ მაღაზიათა ქსელში თქვენი სტუმრობისა და დაგროვებითი (ლოიალობის) ბარათის სარგებლობისას, თქვენივე თანხმობით ხდება თქვენს მოწყობილობასა და ჩვენს სერვერს შორის გარკვეული ინფორმაციის გაცვლა, რომელიც მოიცავს თქვენს პერსონალურ მონაცემებსაც. ამ გზით შეგროვებული მონაცემები შესაძლებელია გამოვიყენოთ ვებ-გვერდის ოპტიმიზაციისთვის, თქვენთვის მომსახურების გასაწევად ან თქვენი სავაჭრო ქცევის შესაბამისად მარკეტინგული შეთავაზებებისთვის. ყოველივე ეს ემსახურება ჩვენს მაღაზიათა ქსელში თქვენთვის საუკეთესო გამოცდილების შექმნას.

II. პერსონალურ მონაცემთა შეგროვება და კატეგორიები

მონაცემთა კატეგორიზაცია

„გუდვილი“ სხვადასხვა ტიპის პერსონალურ ინფორმაციას ამუშავებს, რომლის დაჯგუფებაც შეგვიძლია შემდეგ კატეგორიებად. კატეგორიზაცია არის პირობითი და შესაძლოა მოიცავდეს მონაცემთა არასრულ ჩამონათვალს:

მონაცე მთა კატეგორია

საიდენტიფიკაციო

საკონტაქტო

ტრანზაქციული/

ფინანსური

ტექნიკური და გეოლოკაცია

აუდიო-ვიზუალური

მარკეტინგული

სოციო-დემოგრაფიული

რეესტრები და საჯარო ინფორმაცია

განსაკუთრებული კატეგორიის მონაცემები

სახელშეკრულებო

ამონაცემი

თქვენი სახელი, გვარი, პირადი საიდენტიფიკაციო ნომერი, დაბადების თარიღი, ხელმოწერა.

რეგისტრირებული ან საცხოვრებელი მისამართი, ელექტრონული ფოსტა, ტელეფონის ნომერი.

საგადახდო (საბანკო, ელექტრონული საფულის) ანგარიშის ნომერი, მომსახურე ბანკი, საბანკო ბარათის ტიპი, ჩვენთან განხორციელებული ტრანზაქციის შესახებ ინფორმაცია

ინფორმაცია თქვენ მიერ ჩვენი სერვისებით სარგებლობისას გამოყენებულ მოწყობილობაზე და სხვა ტექნიკური დეტალები, მაგალითად, ინტერნეტ პროტოკოლის (IP) მისამართი, ოპერაციული სისტემა, ლოგ ჩანაწერები, დაშვების თარიღსა და დრო;

თქვენი მოწყობილობის ოპერაციული სისტემა, თქვენი ინტერნეტ პროვაიდერი და სხვ. ასევე, თუ თქვენს ტექნიკურ მოწყობილობას დაშვებული აქვს ადგილმდებარეობის განსაზღვრის ფუნქციები, თქვენი ადგილმდებარეობის შესახებ ინფორმაციაც გაზიარდება.

დისტანციური მომსახურების ცენტრში ან „გუდვილის“ შიდა ნომერზე შემოსული/გასული სატელეფონო ზარების ჩანაწერები, ვიდეო და აუდიო მონიტორინგის სისტემის ჩანაწერები, ფოტოსურათები.

თქვენი მარკეტინგული პრეფერენციების შესახებ ინფორმაცია: შეტყობინებების მიღებისას, ასევე კომუნიკაციის თქვენთვის სასურველ ფორმა, ინფორმაცია იმის შესახებ გამოიყენეთ თუ არა პირდაპირ მარკეტინგზე დათანხმების/უარის თქმის მექანიზმი.

მოქალაქეობასთან, პროფესიასთან, სამუშაო ადგილთან, ოჯახურ მდგომარეობასთან დაკავშირებული მონაცემები, ასევე, ენა, სქესი, ასაკი და სოციალური სტატუსი

სხვადასხვა საჯარო წყაროდან მოპოვებული ინფორმაცია, რომელიც ღიად ხელმისაწვდომია.

რიგ შემთხვევაში ბიომეტრული მონაცემები (ხმა და გამოსახულება), იმ შემთხვევაში, თუ გვაქვს მოპოვებული თქვენი თანხმობა ან კანონი/ ჩვენს შორის არსებული ურთიერთობა ითვალისწინებს ამგვარ თანხმობას.

დეტალები იმ პროდუქტებისა და სერვისების შესახებ, რომლებსაც „გუდვილი“ გაწვდით და მისგან იღებთ.

გაითვალისწინეთ, რომ დამატებით შესაძლოა ნებისმიერი სხვა მონაცემიც დამუშავდეს, რომელიც არ არის აღნიშნულ სიაში, თუმცა, შესაძლებელს ხდის მონაცემთა სუბიექტის იდენტიფიცირებას ან მის დახასიათებას. ამასთან, კატეგორიზაცია პირობითია და შესაძლებელია სხვადასხვა კატეგორიის მიზნებისთვის მსგავსი მონაცემები დამუშავდეს. ყველა მონაცემის დაცულობა გარანტირებულია წინამდებარე პერსონალური მონაცემების დაცვის „გუდვილის“ პოლიტიკით.

პერსონალურ მონაცემთა შეგროვების გზები

წინამდებარე სექცია დაეთმობა იმ ძირითადი წყაროების მიმოხილვას, საიდანაც მოვიპოვებთ თქვენს პერსონალურ მონაცემებს. მონაცემების შეგროვება ხდება კომუნიკაციის ორი ძირითადი ფორმით:

● მონაცემების შეგროვება უშუალოდ თქვენგან, მაგალითად, თუ მოგვმართავთ პროდუქტისა თუ სერვისის მისაღებად ან გამოხატავთ ინტერესს ჩვენს პროდუქტებსა და სერვისებთან დაკავშირებით იქნება ეს ინტერაქცია ფიზიკურ, თუ ელექტრონულ ფორმატში; ავსებთ საკონტაქტო ფორმებს, მათ შორის, მათ რომელიც განთავსებულია ჩვენს ელექტრონული მომსახურებების პლატფორმებზე (ვებ-გვერდი, აპლიკაცია) ან ფიზიკურად, ჩვენს ლოკაციებზე; რეგისტრირდებით ჩვენი ელექტრონული არხებით მომსახურების მისაღებად ან , თავად ახორციელებთ კომუნიკაციას ჩვენს კოორდინატორებთან თუ სხვა თანამშრომლებთან, რომლებიც უზრუნველყოფენ თქვენთვის მომსახურების გაწევას, ავსებთ განაცხადს და სარგებლობთ „გუდვილის“ დაგროვებითი (ლოიალობის) ბარათით, ნებისმიერი გზით უკავშირდებით მომხმარებლებზე ზრუნვისა და კომუნიკაციის თუ კომერციულ, გაყიდვებისა და შესყიდვების დეპარტამენტს; სარგებლობთ ჩვენი ფიზიკური და ელექტრონული მომსახურებებით, მონაწილეობას იღებთ კონკურსსა თუ გამოკითხვაში და სხვა; გვაწვდით თქვენს ან სხვა მესამე პირ(ებ)ის პერსონალურ მონაცემებს სხვა ნებისმიერი ფორმით და მიზნით; სარგებლობთ ჩვენი პარტნიორი მიწოდების სერვისის მქონე აპლიკაციებით (გლოვო, ვოლტი, ბოლტი, ფოსტა და სხვა).

● მონაცემთა შეგროვება მესამე პირ(ებ)ისგან: ხელშეკრულებით ან კანონით გათვალისწინებულ შემთხვევებში, მათ შორის, სადაც საჭიროა თქვენი თანხმობა, შესაძლებელია თქვენი პერსონალური ინფორმაცია მესამე პირებისგან მივიღოთ. მაგალითად, ასეთები შეიძლება იყვნენ, თქვენი მომსახურე ბანკ(ებ)ი, ელექტრონული კომუნიკაციების კომპანია, სხვადასხვა საზედამხედველო, მაკონტროლებელი ან/და სახელმწიფო და ადგილობრივი თვითმმართველობის ორგანოები და იურიდიული პირები, როგორიც არის სსიპ სახელმწიფო სერვისების განვითარების სააგენტო, სსიპ შემოსავლების სამსახური; სხვადასხვა სტატისტიკის მწარმოებელი ორგანიზაციები, მოკლე ტექსტური შეტყობინების გაგზავნისა და საფოსტო და მიწოდების სერვისების პროვაიდერები.

● მონაცემთა შეგროვება საჯაროდ ხელმისაწვდომი წყაროებიდან: ჩვენ შეიძლება მოვიპოვოთ თქვენი მონაცემები საჯარო, სამეწარმეო, მოვალეთა და სხვა შესაბამისი რეესტრებიდან და საჯარო წყაროებიდან.

მეტი კონკრეტიკისთვის, გამოვყოფთ, რამდენიმე ძირითად შემთხვევას:

ელექტრონული მომსახურებებით სარგებლობა

„გუდვილი“ ამუშავებს ინფორმაციას, რომელსაც თქვენ შესახებ ვიღებთ ვებ-გვერდზე თქვენი ვიზიტისა და ჩვენი ელექტრონული სერვისების გამოყენებისას. ჩვენი ვებ-გვერდი მის ყველა ვიზიტორზე აგროვებს ინფორმაციას მარკეტინგული, სტატისტიკური და ანალიტიკური მიზნებისთვის. თქვენი ბრაუზერი ავტომატურად გვაცნობებს:

o ვებ-გვერდს, საიდანაც ხდება თქვენი ჩვენთან გადმომისამართება;

o თქვენს IP მისამართი;

o დაშვების თარიღსა და დროს;ას„

o ბრაუზერს, რომელსაც იყენებთ;

o თქვენი მოწყობილობის ოპერაციულ სისტემას;

ჩვენ ვიყენებთ ამ ინფორმაციას სტაბილური კავშირის უზრუნველსაყოფად, ჩვენი ვებ-გვერდის ეფექტური გამოყენებისა და სისტემის უსაფრთხოებისა და გამართული მუშაობის შესაფასებლად, რაც ჩვენს ლეგიტიმურ ინტერესებში შედის. თუ თქვენ ჩართული გაქვთ გეო-ლოკაციის მომსახურება თქვენს ბრაუზერსა ან სხვა პარამეტრებში, ჩვენმა ვებ-გვერდმა შეიძლება გამოიყენოს ეს ფუნქცია მდებარეობის სპეციფიკური მომსახურების შესათავაზებელად, როგორიცაა ჩვენი მაღაზიის ძებნისა და კონკრეტული მარკეტინგული ღონისძიებების შესახებ ინფორმირების ფუნქცია. თქვენი მდებარეობის მონაცემები მხოლოდ ამ ფუნქციისთვის იქნება გამოყენებული.

თქვენ მიერ ელექტრონული მომსახურებით სარგებლობისას, მომხმარებლის ფანჯრის გახსნის ან შეკვეთების განთავსების შემთხვევაში თქვენს შესახებ ჩვენთან ზიარდება და გროვდება შემდეგი პერსონალური ინფორმაცია:

o სახელი, გვარი;

o მამის სახელი (სურვილისამებრ);

o პირადი ნომერი;

o ტელეფონის ნომერი;

o ელ-ფოსტის მისამართი;

o ასაკი, დაბადების თარიღი;

o მისამართი;

o ქალაქი;

o საბანკო ბარათის მონაცემები;

o ტრანზაქციის შესახებ ინფორმაცია;

o მომსახურე ბანკი;

o დაგროვებითი (ბონუს) ბარათის რეგისტრაციის თარიღი და ლოკაცია

o შესყიდული პროდუქციის შესახებ ინფორმაცია;

o ფოტოს (სურვილისამებრ);

o ოჯახური მდგომარეობა (სურვილისამებრ)

o ჩვენი მაღაზიის ადგილმდებარეობა, რომელსაც ყველაზე ხშირად სტუმრობთ (სურვილისამებრ)

o ქვითარი.

აღნიშნული მონაცემები საჭიროა იმისათვის, რომ ჩვენ შევძლოთ თქვენი შეკვეთის დამუშავება და მიწოდება, თქვენი ინტერესების გათვალისწინებით მარკეტინგული შეთავაზების შემუშავება და შესაბამისი მომსახურების გაწევა.

ქუქი ფაილები

ჩვენი ვებ-გვერდი იყენებს ქუქი ფაილებს (Cookies), რომლებიც წარმოადგენს ტექსტური ფაილებს. ისინი შეიცავს მცირე მოცულობის ინფორმაციას და კონკრეტულ ვებ-გვერდზე შესვლისას ჩამოიტვირთება თქვენს კომპიუტერში ან მობილურ მოწყობილობაში. თითოეული ვიზიტის დროს, ქუქი-ფაილები იგზავნება უკან იმ ვებ-გვერდზე, რომლისგანაც ისინი მომდინარეობს, ან გადაინაცვლებს სხვა ვებგვერდზე, რომელიც ცნობს ამ ქუქი-ფაილს. ქუქი-ფაილები ფართოდ გამოიყენება იმ მიზნით, რომ ვებსაიტი ფუნქციონირებდეს, ან ფუნქციონირებდეს უფრო ეფექტურად, აგრეთვე უზრუნველყოს ინფორმაცია ვებ-გვერდის მფლობელებისთვის.

ქუქი-ფაილები მრავალ ფუნქციას ასრულებენ, მათ შორის, გვეხმარებიან გვერდებს შორის ეფექტურ ნავიგაციაში, იმახსოვრებენ, თუ რას ვანიჭებთ უპირატესობას და ზოგადად, აუმჯობესებენ მომხმარებლის გამოცდილებას. მაგალითად, ქუქი-ფაილებმა შეიძლება მიგვანიშნონ, ადრეც იყავით ვებ-გვერდზე, თუ ახალი ვიზიტორი ხართ. ისინი, აგრეთვე, უზრუნველყოფენ, რომ რეკლამები/შეთავაზებები იყოს პერსონიფიცირებული.

ჩვენ ქუქი-ფაილებით თქვენს შესახებ ვაგროვებთ თქვენს მიერ ელექტრონული მომსახურებების გამოყენების თაობაზე ისეთ ინფორმაციას, როგორიცაა აპლიკაციების გამოყენება, ფაილების ძიება, მომხმარებლის აქტიურობა (მაგ. ნანახი გვერდები, კონკრეტულ გვერდზე დახარჯული დრო, ონლაინ გვერდების დათვალიერება, დაწკაპუნებები, ქმედებები და ა.შ.) დროის მარკები, შეტყობინებები. ინფორმაციის შეგროვება ხდება ინციდენტების აღმოფხვრის მიზნით, ასევე თქვენს მიერ სერვისების გამოყენების შესახებ კვლევისა და ანალიზის მიზნებისთვის.

თქვენ უფლება გაქვთ, მიიღოთ ან არ მიიღოთ ქუქი-ფაილები. გთხოვთ, გაითვალისწინოთ, რომ ქუქი-ფაილების უარყოფით თქვენ ვეღარ შეძლებთ ჩვენი ვებ-გვერდის სრული ფუნქციონალით სარგებლობას.

ქუქი ფაილების შესახებ ინფორმაცია განთავსებულია ვებ-გვერდზე.

მომხმარებლის მიერ გაზიარებული მონაცემები (ინტერაქცია)

ჩვენთან ურთიერთობისას თქვენი პერსონალური მონაცემები თქვენივე მხრიდან ზიარდება საკონტაქტო ფორმის, მომხმარებლის ფანჯრის გახსნის ან შეკვეთის განთავსების შემთხვევაში. აღნიშნული შეიძლება გაზიარდეს, როგორც ელექტრონული მომსახურების მიღებისას, ასევე, ადგილზე, ჩვენს ფიზიკურ ლოკაციებზე, ვიზიტისას. მსგავსი ინფორმაცია საჭიროა იმისთვის, რომ შევძლოთ თქვენი მოთხოვნის დამუშავება. მონაცემები ინტერაქციის საფუძველზე დაგროვებითი (ბონუს) ბარათების გახსნის მიზნით ავტომატურად ზიარდება ქსელის მართვის (მომსახურე კოორდინატორი), კომერციულ (დირექტორი და ანალიტიკოსი) და მარკეტინგის (დირექტორი და მენეჯერი) სტრუქტურული ერთეულების პასუხისმგებელ პირებთან სატელეფონო ზარის, ელექტრონული კომუნიკაციის (ელ.ფოსტა, სოც.ქსელები, წერილით ან საკონტაქტო ფორმის) საშუალებით. ადამიანური რესურსების მართვაზე პასუხისმგებელ პირს წვდომა დაგროვებითი (ბონუს) ბარათების მფლობელთა ბაზაზე გააჩნია განსაზღვრული მიზნითა და ფუნქციონალით. თითოეული ამ პირის პასუხისმგებლობა გათვალისწინებულია არაავტორიზებული წვდომისგან დაცვის მიზნებისთვის.

ინტერაქციის საფუძველზე შესაძლებელია მივიღოთ თქვენი შემდეგი მონაცემები:

o სახელი, გვარი;

o პირადი ნომერი;

o ტელეფონის ნომერი;

o ელ-ფოსტის მისამართი;

o ასაკი, დაბადების თარიღი;

o მისამართი;

o ქალაქი

o საბანკო ბარათის მონაცემები;

o ტრანზაქციის შესახებ ინფორმაცია;

o მომსახურე ბანკი;

o შესყიდული პროდუქციის შესახებ ინფორმაცია;

o ფოტოს (სურვილისამებრ);

o ოჯახური მდგომარეობა (სურვილისამებრ)

o დაგროვებითი (ბონუს) ბარათის რეგისტრაციის თარიღი

o ჩვენი მაღაზიის ადგილმდებარეობა, რომელსაც ყველაზე ხშირად სტუმრობს (სურვილისამებრ)

o ქვითარი.

იმ შემთხვევაში, თუ კომუნიკაცია დგება სატელეფონო ზარის მეშვეობით ჩვენს მომხმარებელთა ზრუნვისა და კომუნიკაციის დეპარტამენტის კოორდინატორებთან, შესაძლებელია დამატებით მოპოვებულ იქნას შემდეგი ინფორმაცია:

o სატელეფონო საუბრის ხმოვანი ჩანაწერი;

o დეტალები თქვენი გამოცდილების ან ინციდენტის შესახებ, რომელიც შეიძლება შეიცავდეს დროსა და თარიღს, კონკრეტულ პროდუქტს, კონკრეტულ ტერიტორიაზე არსებულ მაღაზიაში თქვენი სტუმრობის შესახებ ინფორმაციას;

o თქვენს კომუნიკაციას ჩვენს კოორდინატორთან ტექსტური სახით.

„გუდვილის“ მიერ თქვენი მოთხოვნისთვის მოპოვებული პერსონალური მონაცემები სატელეფონო ზარის, ელექტრონული კომუნიკაციის (ელ.ფოსტა, სოც.ქსელები), წერილის ან საკონტაქტო ფორმის მეშვეობით განიხილება კონფიდენციალურად. მომხმარებლის კმაყოფილების მაღალი სტანდარტების შესანარჩუნებლად ყველა ზარი ჩაწერილია მომსახურების ხარისხისა და უსაფრთხოების გაუმჯობესების მიზნით.

„გუდვილი“ თქვენს მოთხოვნებზე აუდიო ჩანაწერებს ინახავს თქვენი მოთხოვნის გადაწყვეტის დღიდან არაუმეტეს 30 (ოცდაათი) დღის განმავლობაში. თუმცა, ნებისმიერი საჩივარი ან საკითხი, რომელიც საჭიროებს დამატებით მოკვლევას, ინახება მოკვლევის მთელი პერიოდის განმავლობაში, მაგრამ არაუმეტეს 3 (სამი) წლის განმავლობაში.

სოციალური ქსელები

ჩვენ აქტიურად ვიყენებთ სოციალურ ქსელებს, რომელთა მეშვეობით შესაძლებელია, ასევე, შეგროვდეს თქვენი პერსონალური მონაცემები. მაგალითად, როდესაც თქვენ განათავსებთ კონტენტს ან განახორციელებთ რაიმე სახის რეაგირებას (კომენტარი, მოწონების ღილაკები, პირადი შეტყობინება თუ სხვა ინტერაქციის ფორმები) ჩვენი სოციალური ქსელების ანგარიშებზე, ჩვენ შესაძლებელია შევაგროვოთ ისეთი ინფორმაცია, როგორიცაა თქვენი სოც.ქსელის ანგარიში, საკონტაქტო მონაცემები, თქვენი საჯაროდ ხელმისაწვდომი სხვა ინფორმაცია. თქვენს მოთხოვნებზე რეაგირებისთვის და იდენტიფიკაციისთვის შესაძლოა მოვითხოვოთ დამატებითი ინფორმაციაც. წინამდებარე პოლიტიკა, ასევე, ვრცელდება მონაცემთა ამგვარ დამუშავებაზეც და წვდომა შესაძლოა გააჩნდეს ჩვენი მარკეტინგის გუნდის წევრებსაც.

მონაცემთა სუბიექტის პასუხისმგებლობა მონაცემთა სისწორეზე

ჩვენთან ურთიერთობის ფარგლებში თქვენი პასუხისმგებლობაა, დარწმუნდეთ, რომ თქვენი მონაცემები შეესაბამება სინამდვილეს ან გააჩნია გარკვეული ხარვეზი, რაც ჩვენი მხრიდან რეაგირებას საჭიროებს. ამ შემთხვევაში თქვენ დაუყოვნებლივ უნდა გვაცნობოთ ამის შესახებ ინტერაქციის თქვენთვის ხელმისაწვდომი საშუალებებით (სატელეფონო ზარი, ელეტრონული კომუნიკაცია, ადგილზე ვიზიტი თუ სხვა). გთხოვთ, გაითვალისწინოთ, რომ თუ მესამე პირების მონაცემებია მოწოდებული (ბენეფიციარი, დამატებითი ბარათის მფლობელი, თავდები პირი, ოჯახის წევრი, დამსაქმებელი, საკონტაქტო პირი, დასაქმებული, თანამშრომელი თუ სხვა, თავად ხართ ვალდებული ამ ინფორმაციის ჩვენამდე მოწოდებამდე მოიპოვოთ ზემოაღნიშნულ პირთა თანხმობა მათი პერსონალური მონაცემების წინამდებარე პოლიტიკით განსაზღვრული მიზნებით დამუშავებაზე. თქვენი მხრიდან მესამე პირების ინფორმაციის გაზიარებისას ჩვენ მივიჩნევთ, რომ თქვენ მიერ ამ პირ(ებ)ისგან თანხმობა წინასწარ არის მოპოვებული, მათ გაეცნენ წინამდებარე პოლიტიკას და აღარ დგას საჭიროება „გუდვილმა“ მოიპოვოს დამატებითი თანხმობები.

როდესაც თქვენი პერსონალური მონაცემების დამუშავება აუცილებელია კანონმდებლობის მოთხოვნის ან ჩვენ შორის არსებული სახელშეკრულებო ურთიერთობიდან გამომდინარე, როგორც მის საწყის, ასევე, შემდგომ ეტაპზე, ხოლო თქვენ, მოთხოვნის მიუხედავად, არ გვაწვდით აღნიშნულ მონაცემებს, ჩვენ შეიძლება მოკლებული ვიყოთ შესაძელებლობას შევასრულოთ ჩვენზე არსებული ან სამომავლო ხელშეკრულების ძალით დაკისრებული ვალდებულებები (მაგალითად, შესაბამისი პროდუქტის ან სერვისის თქვენთვის მიწოდება).

III. მონაცემთა დამუშავების საფუძველი და მიზანი

ჩვენთან თქვენი ურთიერთობის ხასიათი და კონკრეტული გარემოება განსაზღვრავს ჩვენი მხრიდან მონაცემთა დამუშავების მიზანსა და შესაბამის სამართლებრივ საფუძველს.

„გუდვილი“ პერსონალური მონაცემების დამუშავებას ახორციელებს რამდენიმე ძირითადი მიზნით: მომხმარებლის იდენტიფიცირების, მომსახურების გაწევის, მოთხოვნებზე (საჩივრებზე რეგიარების, მარკეტინგული კომუნიკაციების სამართლებრივი შესაბამისობის, ბიზნესის სტატისტიკის, ანალიტიკის, ლეგიტიმური ინტერესებისა და უსაფრთხოების ანდა სხვა მიზნით.

პერსონალური მონაცემების დამუშავების საფუძველი რამდენიმე ძირითად კატეგორიად შეიძლება დაიყოს:

⮚ მონაცემთა სუბიექტის თანხმობა: ის განისაზღვრება, როგორც მონაცემთა სუბიექტის კონკრეტული, თავისუფლად გაცემული, ინფორმირებული, ცალსახა და გამოხმობადი მითითება მათი პერსონალური მონაცემების დამუშავებაზე. შესაძლებლობის ფარგლებში და საჭიროების შემთხვევაში, ჩვენ უზრუნველვყოფთ, რომ თანხმობა მონაცემთა სუბიექტებმა მოგვაწოდონ მკაფიო მოქმედებით ან განცხადებით, რითაც შესაძლებელია ინდივიდის სურვილის იდენტიფიცირება, დამუშავდეს მათი მონაცემები განსაზღვრული მიზნებისთვის. მაგალითად, თქვენ შეიძლება დაეთანხმოთ „გუდვილის“ სარეკლამო წერილების მიღებას, შეუერდეთ დაგროვებით (ლოიალობის) პროგრამებს, ისარგებლოთ ჩვენი ელექტრონული მომსახურებებით, მართოთ თქვენი ონლაინ ანგარიშები/ფანჯრები, მონაწილეობა მიიღოთ გამოკითხვებში ან პროდუქტების მიმოხილვაში, დარეგისტრირდნეთ ღონისძიებებზე ან კონკურსებში. ეს არასრული ჩამონათვალია, როდესაც ჩვენ შესაძლოა თქვენი თანხმობით განვახორციელოთ პერსონალური მონაცემების დამუშავება.

⮚ მონაცემთა დამუშავება გათვალისწინებულია საკანონმდებლო მოთხოვნებიდან გამომდინარე: „გუდვილის“ დამუშავების აქტივობები შეიძლება განხორციელდეს ინდივიდუალური თანხმობის გარდა სხვა საფუძვლითაც. მაგალითად, საგადახდო რეგულაციების დასაცავად, ჩვენ შეიძლება დავამუშავოთ მომხმარებლის ტრანზაქციებთან დაკავშირებული პერსონალური მონაცემები. ანალოგიურად, მომხმარებელთა დაცვის რეგულაციებთან შესაბამისობისთვის მონაცემთა დამუშავება შეიძლება მოიცავდეს მომხმარებელთა მოთხოვნების (საჩივრების) დამუშავებას ან პროდუქტის დაბრუნების ეფექტურად მართვას. გარდა ამისა, უსაფრთხოების, უვნებლობის, ფინანსური და იურიდიული რისკების შესამცირებლად და შესაბამისი საკანონმდებლო მოთხოვნებიდან გამომდინარე დამუშავებაც შესაძლებელია მოგვეთხოვებოდეს სწორედ ამ საფუძვლის ფარგლებში.

⮚ მონაცემები საჯაროდ ხელმისაწვდომია ან თავად მონაცემთა სუბიექტმა გახადა ისინი საჯარო: იმ შემთხვევებში, როდესაც მონაცემები უკვე საჯაროდ არის ხელმისაწვდომი ან ნებაყოფლობით არის გამჟღავნებული მონაცემთა სუბიექტის მიერ, ჩვენ ვამუშავებთ აღნიშნულ მონაცემები აშკარა თანხმობის გარეშე.

⮚ მონაცემთა დამუშავება აუცილებელია მონაცემთა სუბიექტისთვის მომსახურების გაწევის მიზნით: როდესაც პერსონალური მონაცემების დამუშავება აუცილებელია მონაცემთა სუბიექტთან ურთიერთობის სამართავად და ჩვენი ვალდებულებების შესასრულებლად, მაგალითად, როგორიცაა შეკვეთების შესრულება, მომხმარებელთათვის დახმარების გაწევა ან ტრანზაქციების ზუსტი ჩანაწერების შენახვა, დაგროვებითი (ლოიალობის) ბარათით სარგებლობა, ჩვენ მსგავს აქტივობებს შეიძლება ვახორციელებდეთ თქვენი კონკრეტული თანხმობის გარეშე. ასეთ შემთხვევაში იგულისხმება, რომ თქვენ ჩვენთან ურთიერთობისას მსგავსი თანხმობა გაცემული გაქვთ, წინააღმდეგ შემთხვევაში ჩვენ ვერ შევძლებთ ჩვენი არსებითი ფუნქციების შესრულებას, რომლებიც საჭიროა პროდუქტების ან სერვისების ეფექტურად მიწოდებისთვის, რაც სარგებელს მოუტანს როგორც „გუდვილს“, ასევე, მონაცემთა სუბიექტებს.

⮚ ჩვენი ლეგიტიმური ინტერესებიდან გამომდინარე: როდესაც მონაცემთა დამუშავება ემსახურება ჩვენს ლეგიტიმურ ინტერესებს, როგორიცაა მომხმარებლების, ბიზნესის, ქსელისა და ინფორმაციის უსაფრთხოების უზრუნველყოფა, დანაშაულის პრევენცია ან სტატისტიკური და ანალიტიკური აქტივობების განხორციელება ბიზნეს ოპერაციების გასაუმჯობესებლად, თქვენი თანხმობა შეიძლება არ იყოს საჭირო. ამ ლეგიტიმური ინტერესების დაცვით, „გუდვილს“ შეუძლია გააძლიეროს ოპერაციული ეფექტურობა, დაიცვას ის და მისი მომხმარებლები პოტენციური რისკებისგან და უზრუნველყოს უკეთესი გამოცდილება მომხმარებლებისთვის.

მეტი კონკრეტიკისთვის მიზნებსა და საფუძვლებზე გაეცანით ქვემოთ მოცემულ ცხრილს:

მიზანი

თქვენი იდენტიფიკაცია/ვერიფიკაცია/ თქვენი ნებისმიერი მოთხოვნის (საჩივრების) მართვა, ჩვენი პროდუქტებისა და მომსახურების მიწოდებისა და სარგებლობისთვის

ჩვენი პროდუქტებისა და მომსახურების გაუმჯობესება

მარკეტინგული სტრატეგიის განხორციელება, აქტივობების დაგეგმვა და წარმართვა

ჩვენი ლეგიტიმური უფლებებისა და ინტერესების დაცვა

სტატისტიკის წარმოება და ანალიტიკა

უსაფრთხოების დაცვა და რისკების მართვა

პროდუქტის უვნებლობის დაცვა

დანაშაულის, მათ შორის, თაღლითობის, ტერორიზმის დაფინანსების და ფულის გათეთრების თავიდან აცილება და გამოვლენა:

მიზნის გამარტება

მაგალითად, თუ თქვენ სარგებლობთ ჩვენი ელექტრონული მომსახურებით და ამ გზით იძენთ ჩვენს ვებ-გვერდზე პროდუქტს, ან სარგებლობთ დაგროვებითი (ლოიალობის) ბარათით, შეკვეთის განსათავსებლად და მისაწოდებლად ჩვენ გვესაჭიროება გარკვეული მონაცემის, როგორც ეს განსაზღვრულია მონაცემთა კატეგორიზაციის ცხრილში, დამუშავება.

ჩვენთვის მომხმარებლის კმაყოფილება და მათთვის საუკეთესო გამოცდილების შექმნა ერთ-ერთი უპირველესი ამოცანაა. თქვენი მონაცემები, როგორებიც არის ტრანზაქციული, მარკეტინგული და ინტერაქციული მონაცემები, გვეხმარება ჩვენი პროდუქტებისა და მომსახურების გაუმჯობესების გზების ძიებაში.

ჩვენ შესაძლებელია გამოვიყენოთ თქვენი პერსონალური მონაცემები თქვენთვის რელევანტური და პერსონიფიცირებული შეთავაზების გაკეთების მიზნით. ამისათვის, ჩვენ ყურადღებით ვეცნობით თქვენს უკუკავშირს ჩვენი პროდუქტებისა და მომსახურებების შესახებ, რათა გავაუმჯობესოთ ჩვენი შეთავაზებები, ასევე, გავითვალისწინოთ თქვენი სურვილები მარკეტინგულ კომუნიკაციასთან დაკავშირებით. ამისათვის, როგორც წესი, შეიძლება დაგვჭირდეს სარგებლობასთან დაკავშირებული, მარკეტინგული და სახელშეკრულებო/ინტერაქციული, ფინანსური, სოციო-დემოგრაფიული, ტექნიკური მონაცემები.

თქვენი მონაცემები შესაძლებელია გამოვიყენოთ იმისთვის, რომ დავიცვათ ჩვენი ან/და მესამე პირის კანონიერი უფლებები, მაგალითად, განვიხილოთ ტრანზაქციებთან დაკავშირებით ადგილობრივი თუ საერთაშორისო დავები, უზრუნველვყოთ სასამართლოში საქმისწარმოება, საჩივრებზე, პრეტენზიებზე და მოთხოვნებზე რეაგირება, საკუთრების დაცვა; თქვენი მონაცემები შესაძლოა დამუშავდეს რეორგანიზაციის, წილის გასხვისების ან შეძენის შემთხვევაში და სხვ. ამისათვის შეიძლება დაგვჭირდეს თქვენი საიდენტიფიკაციო, საკონტაქტო, ფინანსური, ტრანზაქციული, სოციო-დემოგრაფიული, ტექნიკური, აუდიო-ვიზუალური, ინტერაქციული და საჯარო მონაცემები და სხვა მონაცემი, რომელიც დაგვეხმარება დასახელებული მიზნის მიღწევაში.

თქვენი მონაცემები შესაძლებელია გამოვიყენოთ სტატისტიკისა და ანალიტიკის წარმოების მიზნით, რათა შევძლოთ უზრუნველვყოთ მომხმარებელთა ტენდენციების, შესყიდვების ქცევისა და ბაზრის მოთხოვნების ანალიზი, რაც საშუალებას მოგვცემს მივიღოთ ინფორმირებული გადაწყვეტილებები პროდუქტის განვითარებისა და სტრატეგიულ დაგეგმვის კუთხით, გავზარდოთ მომხმარებელთა კმაყოფილება და ოპტიმიზაცია გავუწიოთ ბიზნეს ოპერაციებს. რიგ შემთხვევაში, თქვენი გარკვეული კატეგორიის მონაცემები შეიძლება გაზიარებული იყოს გარე სტატისტიკისა და რეიტინგების წარმოების მიზნით. ჩვენ უზრუნველვყოფთ, რომ შესაძლებლობის ფარგლებში, თქვენი მონაცემები გაზიარდეს ანონიმური ან დეპერსონალიზებული ფორმით ან მსგავს შემთხვევებში შევუქმნათ სათანადო დაცულობა. ეს პრაქტიკა მიზნად ისახავს ხელი შეუწყოს ინდუსტრიის განვითარებას, ბაზრის კვლევასა და შედარებით ანალიზს.

აუდიო-ვიზუალური, ტექნიკური და სხვა ნებისმიერი ინფორმაცია, რომელიც დაგვეხმარება დანაშაულის თავიდან აცილების, მისი გამოვლენის, საზოგადოებრივი უსაფრთხოების, პირის უსაფრთხოებისა და საკუთრების დაცვის უზრუნველსაყოფად შესაძლებელია დამუშავებული იქნეს სწორედ ამ მიზნით.

გარკვეული კატეგორიის მონაცემი შესაძლებელია გამოყენებული იყოს პროდუქტის უვნებლობის დაცვის მიზნით. მაგალითად, აღნიშნულ კატეგორიას მიეკუთვნება სახელშეკრულებო/ინტერაქციული მონაცემები, ტექნიკური/ადგილმდებარეობის, განსაკუთრებული მონაცემები (ჯანმრთელობასთან დაკავშირებული), ვიზუალური, სოციო-დემოგრაფიული.

ამ მიზნით ჩვენ ვამუშავებთ საიდენტიფიკაციო, საკონტაქტო, ტრანზაქციულ, სოციო-დემოგრაფიულ, ტექნიკურ, სახელშეკრულებო/ინტერაქციულ და საჯარო მონაცემებს, ასევე, აუდიო-ვიზუალურ მონაცემებს.

საფუძველი

თქვენი თანხმობა, საჭიროების შემთხვევაში; ხელშეკრულების დადება ან შესრულება; თქვენი განცხადების განხილვა (თქვენთვის მომსახურების გაწევა); ჩვენი კანონისმიერი ვალდებულება; ჩვენი ლეგიტიმური ინტერესი

ჩვენი ლეგიტიმური ინტერესი, მათ შორის, რომ განვავითაროთ პროდუქტები/სერვისები და გავაფართოვოთ ჩვენი ბიზნესი; აღმოვფხვრათ ხარვეზები და გავაუმჯობესოთ მომსახურება.

თქვენი თანხმობა, საჭიროების შემთხვევაში; ჩვენი ლეგიტიმური ინტერესი, მათ შორის, რათა ეფექტურად შევასრულოთ სამართლებრივი და სახელშეკრულებო ვალდებულებები, განვავითაროთ პროდუქტები/მომსახურებები, გავზარდოთ ჩვენი ბიზნესი.

კანონისმიერი ვალდებულება, მნიშვნელოვანი საჯარო და კერძო ლეგიტიმური ინტერესი, ეფექტურად საოპერაციო რისკების ეფექტური მართვა

ჩვენი ლეგიტიმური ინტერესი, მათ შორის, ეფექტურად შევასრულოთ სამართლებრივი და სახელშეკრულებო ვალდებულებები, განვავითაროთ პროდუქტები/მომსახურებები, გავზარდოთ ჩვენი ბიზნესი.

კანონისმიერი ვალდებულება, მნიშვნელოვანი საჯარო და კერძო ლეგიტიმური ინტერესი, ეფექტურად საოპერაციო რისკების ეფექტური მართვა

კანონისმიერი ვალდებულება, მნიშვნელოვანი საჯარო და კერძო ლეგიტიმური ინტერესი, ეფექტურად საოპერაციო რისკების ეფექტური მართვა

კანონისმიერი ვალდებულება, მნიშვნელოვანი საჯარო და კერძო ლეგიტიმური ინტერესი, ეფექტურად საოპერაციო რისკების ეფექტური მართვა

„გუდვილი“ უფლებამოსილია დაამუშავოს თქვენი მონაცემები იმ მიზნებით, რომლებიც თავსებადია თავდაპირველ მიზანთან, ასევე, სხვა ისეთი მიზნითაც, რომლის კანონისმიერი ვალდებულებაც ჩვენ გაგვაჩნია.

მონაცემთა დაცვის რეგულაციებიდან გამომდინარე შესაძლებელია მონაცემთა დამუშავების საფუძვლები დაკონკრეტდეს ან გაფართოვდეს. ჩვენ აუცილებლად შეგატყობინებთ ნებისმიერი ცვლილების შესახებ. აქვე, გაითვალისწინეთ დამუშავების შემთხვევაში რამდენიმე საფუძველი შესაძლოა კუმულატიურად არსებობდეს. ყოველ კონკრეტულ შემთხვევაში, ჩვენ უზრუნველვყოფთ მაქსიმალურ ღიაობას საფუძვლებისა და მიზნების თქვენთან ერთად განსახილველად.

მონაცემთა დამუშავების პრინციპები

მონაცემთა დამუშავებისას დაცული იქნება შემდეგი პრინციპები:

● კანონიერება, სამართლიანობა და გამჭვირვალობა: ჩვენი მხრიდან პერსონალური მონაცემები დამუშავდება კანონიერად, სამართლიანად და გამჭვირვალედ.

● მიზნის შეზღუდვა: ჩვენ პერსონალურ მონაცემებს ვაგროვებთ განსაზღვრული, აშკარა და ლეგიტიმური მიზნებისთვის და უზრუნველვყოფთ, რომ არ მოხდეს მათი შემდგომი დამუშავება ამ მიზნებთან შეუთავსებელი გზით.

● მონაცემთა მინიმიზაცია: ჩვენ ვცდილობთ, რომ დავამუშავოთ პერსონალური მონაცემების მინიმალური რაოდენობა, რომელიც აუცილებელია დანიშნულებისამებრ, და ვზღუდავთ არასაჭირო მონაცემების შეგროვებასა და შენახვას.

● სიზუსტე: პერსონალური მონაცემები უნდა იყოს ზუსტი, განახლებული და დაუყოვნებლად შესწორებული, თუ არაზუსტია. ჩვენ უზრუნველვყოფთ, რომ გადავდგათ გონივრული ნაბიჯები მონაცემთა სიზუსტის უზრუნველსაყოფად, იმ მიზნების გათვალისწინებით, რისთვისაც იგი მუშავდება.

● შენახვის შეზღუდვა: პერსონალური მონაცემები უნდა ინახებოდეს ისეთ ფორმაში, რომელიც საშუალებას მისცემს მონაცემთა სუბიექტების იდენტიფიკაციას არა უმეტეს იმ მიზნებისათვის, რისთვისაც ეს მონაცემები მუშავდება. ჩვენ უზრუნველვყოფთ, რომ მონაცემები უსაფრთხოდ განადგურდეს, როდესაც აღარ დგას მათი შენახვის საჭიროება.

● ხელშეუხებლობა და კონფიდენციალურობა: ჩვენ ვცდილობთ, პერსონალური მონაცემები დავამუშავოთ იმგვარად, რომ უზრუნველყოფილი იქნეს სათანადო უსაფრთხოება, მათ შორის დაცვა არაავტორიზებული ან უკანონო დამუშავებისა და შემთხვევითი დაკარგვის, განადგურების ან დაზიანებისგან.

● ანგარიშვალდებულება: ჩვენ პასუხისმგებელნი ვართ, რომ მონაცემთა დამუშავება შეესაბამებოდეს მოქმედ მონაცემთა დაცვის რეგულაციისა საზედამხედველო ორგანოს მიერ დადგენილ მოთხოვნებს და მივმართავთ შესაბამისი ზომებს მონაცემთა დამუშავების აქტივობებთან, პოლიტიკასთან და პროცედურებთან დაკავშირებით გამჭვირვალობის, მონაცემთა სუბიექტებთან და მარეგულირებელ ორგანოებთან ნდობის უზრუნველყოფის მიზნით.

მესამე პირ(ებ)ის წვდომა პერსონალურ მონაცემებზე

ჩვენ კატეგორიულად გამოვრიცხავთ პერსონალური მონაცემების ინდივიდუალურ დონეზე მესამე პირებზე გავრცელებას. თუმცა, ვინაიდან “გუდვილს” თავისი ლეგიტიმური ინტერესებისა და ფიზიკური და ელექტრონული მომსახურებების, მათ შორის, დაგროვებითი (ლოიალობის) ბარათით სარგებლობის უზრუნველსაყოფად, ესაჭიროება საქართველოს ფარგლებში ან მის ფარგლებს გარეთ ოპერირებადი მომსახურების პროვაიდერები (IT მიმართულება (სერვერის, პროგრამული პროდუქტისა და უზრუნველყოფის (სოფტისა და აპლიკაციის) მიმწოდებელი), იურიდიული/ საფოსტო/ საგადახდო/ მარკეტინგული მომსახურების მიმწოდებელი) და სხვა პირები (ბიზნეს პარტნიორები), რომლებთანაც ჩვენ ვურთიერთობთ იმისათვის, რომ ჯეროვნად შევასრულოთ ჩვენი ვალდებულებები და გავწიოთ შესაბამისი ფუნქციები, თქვენს პერსონალურ მონაცემებზე წვდომა კონკრეტული მიზნობრიობით და შეზღუდული ფუნქციონალით, სწორედ მათ შეიძლება გააჩნიათ. ამასთან, საერთაშორისო გადაცემის შემთხვევაში ჩვენ უზრუნველვყოფთ პერსონალურ მონაცემთა გადაცემის შესახებ შესაბამისი ხელშეკრულების გაფორმებას, რომლითაც კანონმდებლობით გათვალისწინებული მოთხოვნების შესაბამისად, განსაზღრავს მიმღები მხარის ვალდებულებებს თქვენი პერსონალურ მონაცემების დაცვის უზრუნველსაყოფად.

ჩვენ ვიღებთ პასუხისმგებლობას, რომ შეძლებისდაგვარად და საჭიროებისამებრ გავუზიაროთ მომხმარებლის არაპერსონიფიცირებული და ანონიმური მონაცემები სარეკლამო სააგენტოებს, სტატისტიკის მწარმოებელ ორგანიზაციებს, ანალიტიკის წარმოებისა და შედეგების შეფასების მიზნითა და შეზღუდული მოცულობითა და მკაცრად განსაზღვრული მიზნით.

გარდა ამისა, თქვენი პერსონალური მონაცემები შესაძლებელია გაზიარდეს იმ პირებზე, რომლებიც ემსახურებიან სახელმწიფო უსაფრთხოების, ინფორმაციული უსაფრთხოებისა და კიბერუსაფრთხოების ან/და თავდაცვის, საზოგადოებრივი უსაფრთხოებისა და ჯანმრთელობის, პროდუქტის უვნებლობის შემოწმების ინტერესებს. ამ შემთხვევაშიც კი, ჩვენ ვცდილობთ, რომ მაქსიმალურად მიზნობრივად და შეზღუდული სახით მივცეთ მათ წვდომა თქვენს პერსონალურ მონაცემებზე.

მონაცემების კატეგორიები, რომლებიც შეიძლება იყოს გაზიარებული, მოიცავს, მაგრამ არ შემოიფარგლება მხოლოდ, საკონტაქტო და საიდენტიფიკაციო, სახელშეკრულებო და ინტერაქციული, ტექნიკური (ადგილმდებარეობის) და მარკეტინგული მონაცემით. ჩვენ გადავდგამთ ყველა გონივრულ ნაბიჯს, რათა თქვენი მონაცემების გაზიარებამდე შევქმნათ სათანადო გარანტიები თქვენი პერსონალური მონაცემების დასაცავად, მათ შორის, შევიმუშავებთ დაშიფვრის პროტოკოლს, წვდომის კონტროლს და განვახორციელებთ რეგულარულ შემოწმებას. ასევე, მესამე პირებთან ჩვენი სახელშეკრულებო ურთიერთობის ფარგლებში დავრწმუნდებით, რომ უზრუნველყოფილია მსგავსი დაცულობა.

აღნიშნულ საკითხებზე ნებისმიერი კითხვების შეთხვევაში, ჩვენ უზრუნველვყოფთ თქვენს ინდივიდუალურ კონსულტირებას.

პერსონალურ მონაცემთა შენახვა

ჩვენთვის მნიშვნელოვანია თქვენი პერსონალური მონაცემების უსაფრთხოება. „გუდვილი“ ინახავს თქვენს პერსონალურ მონაცემებს უსაფრთხო მონაცემთა სერვერზე, რომელიც იმართება მესამე მხარის მიერ. სერვერზე განთავსებულ ინფორმაციაზე წვდომა მკაცრად შეზღუდულია და მხოლოდ საჭიროებისამებრ კონკრეტული ელექტრონული მოწყობილობებიდან არის შესაძლებელი. რიგი ინფორმაცია ინახება პორტატულ მეხსიერებებზე, ელექტრონული ფოსტის მისამართებზე, და მათი მოძრაობა მკაცრად კონტროლდება. შიდა რეგულაციებით დადგენილია წვდომის მქონე პირთა პირადი პასუხისმგებლობა.

თქვენი პერსონალური მონაცემები ინახება იმდენ ხანს, რამდენიც საჭიროა ჩვენს პოლიტიკაში ასახული მიზნების შესასრულებლად ან მოთხოვნილია კანონით, თუმცა, არანაკლებ ჩვენი მომსახურებით სარგებლობის განმავლობაში. გეო-ლოკაციის მონაცემები მაღაზიის მდებარეობის განსაზღვრის მიზნებისთვის ინახება მანამ, სანამ თქვენი ელექტრონული მოწყობილობის პარამეტრები არ შეიცვლება/წაიშლება.

ჩვენ რეგულარულად განვიხილავთ პერსონალური მონაცემების შენახვის პერიოდებს და ვახორციელებთ შესაბამის ზომებს იმ მონაცემების უსაფრთხოდ განადგურების მიზნით, რომლებიც აღარ არის საჭირო. მიუხედავად იმისა, რომ ჩვენ ვიღებთ ყველა გონივრულ ზომას თქვენი პერსონალური მონაცემების დასაცავად, ჩვენ ვიქნებით გარანტორი ელექტრონული ფორმატით მონაცემთა გადაცემის აბსოლუტურ უსაფრთხოებისა ან სერვერებზე მათი შენახვისა. ამიტომ, ჩვენ გირჩევთ, გამოიჩინოთ სიფრთხილე პერსონალური მონაცემების ელექტრონული ფორმატით გაზიარებისას და უზრუნველყოთ თქვენივე მოწყობილობებიდან თქვენი შესვლის უსაფრთხოება.

IV. პირდაპირი მარკეტინგი

ჩვენ უზრუნველვყოფთ პირდაპირი მარკეტინგის მიზნებისთვის თქვენი პერსონალური მონაცემების დამუშავების არჩევანის თავისუფლებას. პირდაპირი მარკეტინგი გულისხმობს ტელეფონის, ფოსტის, ელექტრონული ფოსტის ან სხვა ელექტრონული საშუალებით მონაცემთა სუბიექტისთვის ინფორმაციის პირდაპირ და უშუალო მიწოდება „გუდვილის“ საქონლის, იდეის, მომსახურების, სამუშაოს ან/და წამოწყების, აგრეთვე საიმიჯო და სოციალური თემატიკისადმი ინტერესის ფორმირების, შენარჩუნების, რეალიზაციის ან/და მხარდაჭერის მიზნით.

ჩვენ შეიძლება გამოვიყენოთ თქვენი პერსონალური მონაცემები პირდაპირი მარკეტინგის მიზნებისთვის, თუ ჩვენ გვაქვს აღნიშნულ საკითხზე თქვენი წერილობითი თანხმობა. თქვენ გაქვთ უფლება, უარი თქვათ ამ მარკეტინგული კომუნიკაციების მიღებაზე ნებისმიერ დროს, კომუნიკაციაში მოცემული ინსტრუქციების შესაბამისად ან უშუალოდ ჩვენთან კავშირით. ჩვენ დაუყოვნებლივ გავითვალისწინებთ თქვენს მოთხოვნას.

გთხოვთ, გაითვალისწინოთ, რომ მაშინაც კი, თუ თქვენ უარი თქვით მარკეტინგული კომუნიკაციების მიღებაზე, ჩვენ მაინც შეიძლება დაგიკავშირდეთ არამარკეტინგული მიზნებისთვის, როგორიცაა შეკვეთის განახლებები ან მომხმარებელთა მომსახურების საკითხები. ჩვენ მზად ვართ, უზრუნველვყოთ, რომ ჩვენი მარკეტინგული პრაქტიკა შეესაბამებოდეს მონაცემთა დაცვის რეგულაციებს და პატივი ვცეთ თქვენი კონფიდენციალურობის პრეფერენციებს, თუმცა, გთხოვთ, გაითვალისწინოთ, რომ პირდაპირი მარკეტინგის მიზნით მონაცემების დამუშავებაზე წერილობითი თანხმობის არარსებობის შემთხვევაში ჩვენ მოკლებული ვიქნებით შესაძლებლობას, განვახორციელოთ თქვენთვის მომსახურების/პროდუქტების და პერსონალური ბენეფიტების შეთავაზება.

დამატებით გატყობინებთ, რომ თუ თქვენ, ამავდროულად, წარმოადგენთ ჩვენი არსებული ან/და პოტენციური მომხმარებელი იურიდიული პირის ხელმძღვანელს, წარმომადგენელს, უფლებამოსილ ან/და ამ იურიდიულ პირთან ნებისმიერი სხვა ფორმით ასოცირებულ პირს, ჩვენ უფლებამოსილები ვართ დავამუშავოთ თქვენი პერსონალური მონაცემები, როგორც აღნიშნულ იურიდიულ პირთან დაკავშირებული ინფორმაცია და გამოვიყენოთ აღნიშნული ინფორმაცია იურიდიული პირისთვის მომსახურების გაწევის, მათ შორის პირდაპირი მარკეტინგის მიზნებისათვის.

აქვე, გაითვალისწინეთ, რომ ჩვენი საინფორმაციო ბიულეტენის გამოწერისთვის ჩვენ გვესაჭიროება თქვენი თანხმობა პირდაპირი მარკეტინგის მიზნით პერსონალური მონაცემების დამუშავებაზე. ჩვენ შესაძლოა საინფორმაციო ბიულეტენის პერსონალიზირება თქვენი პრეფერენციებისა და შესყიდვების ისტორიის საფუძველზე შევიმუშავოთ, რათა თქვენის საინტერესო კონტენტი. თქვენ გაქვთ უფლება გააუქმოთ ჩვენი საინფორმაციო ბიულეტენის გამოწერა წინამდებარე პოლიტიკით გათვალისწინებული ინსტრუქციით. თქვენი გადაწყვეტილება გამოწერის გაუქმების შესახებ არ იმოქმედებს ჩვენგან სხვა კომუნიკაციების მიღების უნარზე.

პირდაპირ მარკეტინგზე თანხმობა

წინამდებარე პოლიტიკაზე პირდაპირი მარკეტინგის მიზნებისთვის გათვალისწინებულ ღილაკზე დათანხმება გულისხმობს პირდაპირი მარკეტინგის მიზნებისთვის თანხმობის გაცემას. გაითვალისწინეთ, რომ უკვე გაცემული თანხმობების შემთხვევაში აღნიშნული ღილაკის მონიშვნის გარეშე დატოვება არ გულისხმობს თქვენი პრეფერენციის შეცვლას (თანხმობის გამოხმობას) და ამ შემთხვევაში თქვენ უნდა იხელმძღვანელოთ „პირდაპირ მარკეტინგზე უარის თქმის უფლების“ ქვეთავში მითითებული ინსტრუქციით. წინააღმდეგ შემთხვევაში ჩვენ უფლებამოსილები ვართ დავამუშავოთ თქვენი მონაცემები პირდაპირი მარკეტინგის მიზნებისთვის. მნიშვნელოვანია გახსოვდეთ, რომ თუ თქვენი თანხმობა გაცემულია მოკლე ტექსტური შეტყობინების სერვისების პროვაიდერ პირებთან და მათი მხრიდან მიიღებთ „გუდვილის“ პირდაპირი მარკეტინგის შინაარსის შეტყობინებებს, ეს გულისხმობს მათი მხრიდან ჩემი მონაცემების დამუშავებას და „გუდვილი“ მოკლებულია შესაძლებლობას გადაამოწმოს თქვენი პერსონალური მონაცემების დამუშავების პრეფერენციები და მათი კანონიერება.

როდესაც თქვენ ეთანხმებით წინამდებარე პოლიტიკით გათვალისწინებულ პირდაპირი მარკეტინგის მიზნებისთვის გათვალისწინებულ ღილაკს ეს გულისხმობს, რომ ეთანხმებით შემდეგი შინაარსის ტექსტს^{^[1]} :

„მე, მონაცემთა სუბიექტი, თანახმა ვარ, რომ ჰიპერმარკეტების ქსელ „გუდვილმა“ (სს „გუდვილმა“ და შპს „ჰიპერმარკეტ საბურთალომ“) პირდაპირი მარკეტინგისა და დაგროვებითი (ლოიალობის) ბარათის მომსახურებით სარგებლობის მიზნით დაამუშავოს ჩემი პერსონალური მონაცემები. აღნიშნული თანხმობით „გუდვილი“ უფლებამოსილია მე დამიკავშირდეს ელექტრონული ფოსტით, ტელეფონით, მოკლე ტექსტური შეტყობინებით ან საფოსტო სერვისით ან სხვა საკომუნიკაციო საშუალებით (მათ, შორის სოც. ქსელით), რათა მომაწოდოს ინფორმაცია მისი საქონლის, იდეის, მომსახურების, სამუშაოს ან/და წამოწყების, აქტივობების (მათ შორის, გათამაშებები და კონკურსები), საინფორმაციო ბიულეტენის, ვაკანსიების, აქციებისა და ღონისძიებების, აგრეთვე საიმიჯო და სოციალური თემატიკისადმი ინტერესის ფორმირების, შენარჩუნების, რეალიზაციის ან/და მხარდაჭერის მიზნით. მე ინფორმირებული ვარ, რომ ჩემი თანხმობა არის უვადო და უფლება მაქვს, უარი ვთქვა (გამოვიხმო) ეს თანხმობა ნებისმიერ დროს, წინამდებარე პოლიტიკაში მოწოდებული ინსტრუქციების დაცვით ყოველგვარი დამატებითი საფასურის გადახდის გარეშე ელექტრონულ ფოსტაზე marketing@goodwill.ge კომუნიკაციის გზით. ასევე, ინფორმირებული ვარ, რომ თუ ჩემი თანხმობა გაცემულია მოკლე ტექსტური შეტყობინების სერვისების პროვაიდერ პირებთან და მათი მხრიდან მივიღებ „გუდვილის“ პირდაპირი მარკეტინგის შინაარსის შეტყობინებებს, ეს გულისხმობს მათი მხრიდან ჩემი მონაცემების დამუშავებას და „გუდვილს“ არ აქვს წვდომა მსგავს დამუშავებაზე.“

პირდაპირ მარკეტინგზე უარის თქმის უფლება

ჩვენ პატივს ვცემთ თქვენს პრეფერენციებს და უფლებას გააკონტროლოთ, თუ როგორ გამოიყენება თქვენი პერსონალური მონაცემები მარკეტინგული მიზნებისთვის. თუ არ გსურთ, რომ ჩვენგან მიიღოთ პირდაპირი მარკეტინგული კომუნიკაციები, თქვენ ნებისმიერ დროს ყოველგვარი საფასურის გადახდის ან სხვა შეზღუდვის გარეშე გაქვთ უფლება ისარგებლოთ მონაცემთა სუბიექტისთვის კანონით გათვალისწინებული უფლებებით, მათ შორის, გამოხმობის (თანხმობაზე უარის თქმის) უფლებით. ამისათვის, უნდა დაგვიკავშირდეთ ელექტრონულ ფოსტაზე marketing@goodwill.ge. გაითვალისწინეთ, რომ თანხმობა უვადოა და პირდაპირი მარკეტინგის მიზნით პერსონალური მონაცემების დამუშავებაზე თანხმობა უკვე გაცემულია თქვენი მხრიდან დაგროვებითი (ლოიალობის) ბარათის გახსნით.

უარის თქმის შემთხვევაში, ჩვენ დაუყოვნებლივ შევწყვეტთ თქვენთვის მარკეტინგული კომუნიკაციების გაგზავნას. გთხოვთ, გაითვალისწინოთ, რომ მაშინაც კი, თუ თქვენ უარი თქვით ჩვენგან მარკეტინგული კომუნიკაციების მიღებაზე, მოკლე ტექსტური შეტყობინების სერვისების პროვაიდერ პირებთან გაცემული თანხმობის ფარგლებში შესაძლებელია მიიღოთ ჩვენი შეთავაზებები მათ მიერ თქვენი პერსონალური მონაცემების დამუშავების ფარგლებში. ჩვენ უზრუნველვყოფთ, რომ ჩვენთან დაცული თქვენი პრეფერენციები გაზიარდეს მოკლე ტექსტური შეტყობინების სერვისების პროვაიდერ პირებთან, რათა მათ გაითვალისწინონ ეს ჩვენი მოთხოვნის დამუშავებისას, თუმცა, თუ მათგან მაინც მიიღეთ მოკლე ტექსტური შეტყობინებები, ეს უკანასკნელი ვერ ჩაითვლება ჩვენი მხრიდან თქვენი პრეფერენციების უარყოფად, რადგან ჩვენ მსგავს დამუშავებაზე წვდომა შეზღუდული გვაქვს და ჩვენ მივმართეთ გონივრულ ზომებს თქვენი არჩევანის პატივსაცემად.

V. ვიდეო და აუდიო მონიტორინგი

ჩვენი ლეგიტიმური ინტერესების დასაცავად, დანაშაულის თავიდან აცილების, მისი გამოვლენის/მოკვლევის, საზოგადოებრივი უსაფრთხოების, პირის უსაფრთხოებისა და საკუთრების დაცვის, საიდუმლო (კონფიდენციალური) ინფორმაციის დაცვის და სხვა მნიშვნელოვანი ამოცანების შესასრულებლად, (მათ შორის, „გუდვილის“ მარაგების კონტროლი, ინციდენტების მართვა და მომხმარებელთა უფლებების დაცვა, პროცესების მონიტორინგი, რისკების მართვა და სხვ.) „პერსონალურ მონაცემთა დაცვის შესახებ“ საქართველოს კანონით დადგენილი მოთხოვნების დაცვით, „გუდვილის“ ფიზიკურ ლოკაციებზე მიმდინარეობს შენობ(ებ)ის გარე და შიდა პერიმეტრის, მათ შორის, შეხვედრების ოთახების, მომსახურების სივრცეების და სამუშაო ადგილ(ებ)ის ვიდეო და აუდიო მონიტორინგი. „გუდვილის“ წარმომადგენელთან სატელეფონო კომუნიკაციისას ზარების ჩანაწერების სისტემის (აუდიომონიტორინგი) მეშვეობით ხორციელდება შემავალი და გამავალი ზარების ჩაწერა/დამუშავება მომსახურების სრულყოფისა და ჯეროვნად შესრულების, განცხადებების, პრეტენზიების განხილვისა და რეაგირების, შინაგანაწესის, პროფესიული ქცევის სტანდარტების დაცვის მონიტორინგის, ასევე ჩვენი სხვა კანონიერი ინტერესების დაცვის (მათ შორის, იურიდიული ძალის მქონე მტკიცებულების შექმნა) მიზნებისათვის „პერსონალურ მონაცემთა დაცვის შესახებ“ საქართველოს კანონით დადგენილი მოთხოვნების დაცვით.

მონიტორინგი ხორციელდება 24/7 საათის განმავლობაში. ჩვეულებრივ შემთხვევაში, ვიდეო და აუდიო მონიტორინგის მასალები ინახება ჩაწერის მომენტიდან 15 (თხუთმეტი) დღის ვადით ან რაც საჭიროა კონკრეტული მიზნის მისაღწევად, რის შემდეგადაც ისინი ექვემდებარება ავტომატურ განადგურებას, თუ არ არსებობს მონაცემთა უფრო ხანგრძლივი ვადით შენახვის საჭიროება და სამართლებრივი საფუძველი. ინციდენტის, პოტენციური ან მიმდინარე გამოძიების (მოკვლევის) ან პრეტენზიის შემთხვევაში, კადრები ან ჩანაწერები შეიძლება შენარჩუნდეს ამგვარი გარემოების შეტყობიდან მაქსიმუმ 3 წლამდე ვადით.

თქვენი ინფორმირების უზრუნველსაყოფად „გუდვილის“ მიერ თვალსაჩინო ადგილას განთავსებულია შესაბამისი გამაფრთხილებელი ნიშნები, რომელიც შეიცავს ინფორმაციას როგორც ვიდეო, ასევე, აუდიოჩაწერის თაობაზე.

ჩვენ გარწმუნებთ, რომ ჩვენი მხრიდან მიღებულია ყველა შესაბამისი ქმედითი და ადეკვატური ორგანიზაციულ-ტექნიკური ზომა, რათა თავიდან იქნეს აცილებული ჩანაწერებში (როგორც ვიდეო, ასევე, აუდიო) ასახული მონაცემების უკანონო/შემთხვევითი გამჟღავნება, მათი არასასურველი მიზნით გამოყენება, გავრცელება და სხვა, მათ შორის:

● უზრუნველყოფილია მონიტორინგის სისტემის ფიზიკური უსაფრთხოება; მონიტორინგის სისტემა და შესაბამისი ტექნიკური აღჭურვილობა განთავსებულია დაცულ ოთახებში, სადაც დაიშვებიან მხოლოდ შესაბამისი უფლებამოსილების მქონე პირები;

● ჩანაწერებზე წვდომა მინიჭებული აქვს დასაქმებულ პირთა მხოლოდ განსაზღვრულ წრეს, რომელთა წვდომის დონის და ფარგლების განსაზღვრისას მხედველობაში მიიღება თანამშრომელთა ფუნქციები და ჩანაწერებზე მათი წვდომის სამსახურებრივი საჭიროება;

● მიღებულია შესაბამისი ზომები სისტემის ინფორმაციული უსაფრთხოებისთვის, ინტერნეტიდან და კომპიუტერული ქსელიდან უკანონო შეღწევის პრევენციის მიზნით;

● სრულად აღირიცხება მონიტორინგის სისტემებში არსებული მონაცემების მიმართ შესრულებული ყველა მოქმედება;

● აღირიცხება ჩანაწერების გამჟღავნების ყველა შემთხვევა.

როგორც წესი, ჩვენ არ ვუშვებთ მესამე პირების წვდომას ვიდეო და აუდიო მონიტორინგის ჩანაწერებთან. მაგრამ, თუ საჭირო იქნება თანამშრომლობა განსაზღვრული მიზნით სამართალდამცავ ორგანოებთან, ჩვენ კანონიერი საფუძვლების არსებობისას შესაძლებელია მათ გავუზიაროთ მსგავსი მონაცემები. მაგალითად, თუ დაფიქსირდება ინციდენტი, რომელიც შეიცავს ჩვენი ქონების ან შენობის დაზიანებას ან განადგურებას, ან ძალადობას ან შეურაცხყოფას მომხმარებლების, პერსონალის ან დაცვის თანამშრომლების მიმართ, ჩვენ შეიძლება ჩვენივე ლეგიტიმური ინტერესების დასაცავად გავაზიაროთ კადრები ჩვენივე ინიციატივით სამართალდამცავ ორგანოებთან. ასევე, ჩვენ შეიძლება გავუზიაროთ კადრები ან ფოტომასალები ჩვენს შიდა ან გარე მრჩევლებს (მათ შორის, იურისტებს, კონსულტანტებს, სადაზღვევო კომპანიებით), როგორც ეს შეიძლება იყოს საჭირო ჩვენი ლეგიტიმური უფლებებისა და ინტერესების დასაცავად.

ჩვენს ფიზიკურ ლოკაციებზე ვიზიტით, თქვენ ეთანხმებით თქვენი პერსონალური მონაცემების შეგროვებას და დამუშავებას ვიდეო და აუდიო მონიტორინგის სისტემების მეშვეობით ზემოთ ჩამოთვლილი მიზნებისთვის. ჩვენ ვიღებთ შესაბამის ზომებს ვიდეო და აუდიო ჩანაწერებში დაფიქსირებული პირების კონფიდენციალურობისა და პერსონალური მონაცემების დასაცავად და ასეთ მონაცემებზე წვდომა შეზღუდულია მხოლოდ ავტორიზებული პერსონალისთვის. ჩაწერილი მონაცემები ინახება შეზღუდული ხანგრძლივობით, როგორც ეს აუცილებელია იმ მიზნების მისაღწევად, რისთვისაც შეგროვდა. ისინი უსაფრთხოდ ინახება და განადგურდება მონაცემთა დაცვის მოქმედი რეგულაციების შესაბამისად.

VI. არასრულწლოვნების მონაცემთა დამუშავება

ჩვენთვის მნიშვნელოვანია არასრულწლოვანთა პერსონალური მონაცემების დაცვა. არასრულწლოვანის შესახებ მონაცემთა დამუშავება მისი თანხმობის საფუძველზე დასაშვებია, თუ მან 16 წლის ასაკს მიაღწია, ხოლო 16 წლამდე არასრულწლოვანის შესახებ მონაცემთა დამუშავება − მისი მშობლის ან სხვა კანონიერი წარმომადგენლის თანხმობით, გარდა კანონით პირდაპირ გათვალისწინებული შემთხვევებისა, მათ შორის, როდესაც მონაცემთა დამუშავებისთვის აუცილებელია 16 წლიდან 18 წლამდე არასრულწლოვანისა და მისი მშობლის ან სხვა კანონიერი წარმომადგენლის თანხმობა. ეს შეიძლება საჭირო გახდეს ისეთი აქტივობებისთვის, როგორიცაა კონკურსებში მონაწილეობა, ელექტრონული მომსახურების მიღებისას მომხმარებლის ფანჯრის/ანგარიშების შექმნა და დაგროვებითი (ლოიალობის ბარათით) სარგებლობა. ამასთან, გაითვალისწინეთ, რომ ჩვენ არ გვაქვს პირადობის მოწმობის/პასპორტის წამკითხველი მოწყობილობა, რითაც შევძლებდით ავტომატურ რეჟიმში არასრულწლოვნის ამოცნობას, ჩვენს ვებ-გვერდსა თუ აპლიკაციაში. შესაბამისად, ჩვენ ვხელმძღვანელობთ მონაცემთა სუბიექტის მიერ მოწოდებული ინფორმაციით და ვიმედოვნებთ, რომ მონაცემთა სუბიექტის მიერ მოწოდებული ინფორმაცია არის ზუსტი და სანდო, რათა უზრუნველვყოთ, ამ ინფორმაციის საფუძველზე მიღებული ნებისმიერი გადაწყვეტილების ან ქმედების ჩვენს პოლიტიკასთან და კანონთან შესაბამისობა.

როგორც წესი, მშობელი (კანონიერი წარმომადგენელი) მისი არასრულწლოვანი შვილის მიერ ჩვენი მომსახურებით სარგებლობისას, განურჩევლად, ფორმისა (ელექტრონული თუ ფიზიკური), თანხმობას აცხადებს, რომ დამუშავდეს არასრულწლოვნის ისეთი პერსონალური მონაცემები, რომლებიც შეიძლება შეიცავდეს მის სახელს, ასაკს, საკონტაქტო ინფორმაციას და ტრანზაქციის დეტალებს. ამ შემთხვევაში თანხმობის მიზანი მოიცავს მომსახურების გაწევას, ტრანზაქციის დამუშავებას, შეკვეთების შესრულებასა და პროდუქციის/მომსახურების მიწოდებას, შიდა ანალიტიკისა და სტატისტიკის მიზნებს, საკანონმდებლო და მარეგულირებელ მოთხოვნებთან შესაბამისობის უზრუნველყოფას (მაგ. შეზღუდვა ალკოჰოლური ან თამბაქოს პროდუქციის გასხვისების აკრძალვა, დანაშაულის თავიდან აცილება), მარკეტინგული და სხვა ლეგიტიმური მიზანი. ამასთან, მშობელი (კანონიერი წარმომადგენელი) ადასტურებს, რომ მისი თანხმობა არის ნებაყოფლობითი და ინფორმირებულია, რომ მას აქვს უფლება გაააუქმოს იგი ნებისმიერ დროს, თუმცა, აცნობიერებს, რომ თანხმობის გაუქმებამ შეიძლება გავლენა მოახდინოს მომსახურების გაწევაზე ან შესყიდვის ტრანზაქციის დასრულებაზე.

VII. მონაცემთა სუბიექტის უფლებები

მოქმედი კანონმდებლობა თქვენ, როგორც მონაცემთა სუბიექტს რიგ უფლებებს განიჭებთ. ჩვენ უზრუნველვყოფთ თქვენი უფლებების მაქსიმალურად გათვალისწინებას. მაგალითად, მონაცემთა სუბიექტს აქვს შემდეგი უფლებები „გუდვილის“ მიერ დამუშავებულ მათ პერსონალურ მონაცემებთან დაკავშირებით:

● წვდომის უფლება: მონაცემთა სუბიექტს აქვთ უფლება მოითხოვოს წვდომა მის პერსონალურ მონაცემებზე და ინფორმაციაზე, თუ როგორ ხდება მათი დამუშავება; ის უფლებამოსილია გამოითხოვოს კომპანიიდან ინფორმაცია მის შესახებ მონაცემთა დამუშავების თაობაზე.

● გასწორების (განახლებისა და შევსების) უფლება: მონაცემთა სუბიექტს უფლება აქვთ მოითხოვონ არაზუსტი ან არასრული პერსონალური მონაცემების შესწორება, განახლება და შევსება;

● გამოხმობის უფლება: მონაცემთა სუბიექტი უფლებამოსილია ნებისმიერ დროს, ყოველგვარი განმარტების გარეშე, გამოიხმოს (მოითხოვოს მონაცემების დამუშავების შეწყვეტა ან/და დამუშავებული მონაცემების განადგურება) მის მიერ „გუდვილისთვის“ გაცხადებული თანხმობა მისი პერსონალური მონაცემების დამუშავების თაობაზე. გაითვალისწინეთ, რომ თანხმობის გამოხმობა არ იწვევს თანხმობის გამოხმობამდე და თანხმობის ფარგლებში წარმოშობილი სამართლებრივი შედეგების გაუქმებას. ამასთან, თანხმობის გამოხმობის შემთხვევაში, ჩვენ, შესაძლოა, მოკლებულნი ვიყოთ შესაძლებლობას, სრულყოფილად გაგიწიოთ მომსახურება.

● დამუშავების შეზღუდვის უფლება: მონაცემთა სუბიექტს უფლება აქვთ მოითხოვონ მათი პერსონალური მონაცემების დამუშავების შეზღუდვა.

● მონაცემთა გადაცემადობის უფლება: მონაცემთა სუბიექტებს უფლება აქვთ მიიღონ თავიანთი პერსონალური მონაცემები სტრუქტურირებულ, ჩვეულებრივ გამოყენებად და წაკითხვად ფორმატში და გადასცენ ისინი სხვა დამმუშავებელს.

● გასაჩივრების უფლება - თუ თვლით, რომ თქვენი პერსონალური მონაცემები მუშავდება კანონმდებლობის მოთხოვნათა დარღვევით, უფლება გაქვთ მიმართოთ საქართველოს პერსონალურ მონაცემთა დაცვის სამსახურს. მეტი ინფორმაციისთვის შეგიძლიათ ეწვიოთ სამსახურის ვებგვერდს https://personaldata.ge/

● სხვა კანონით გათვალისწინებული უფლებები: თქვენთვის მინიჭებული უფლებები დეტალურად არის „პერსონალურ მონაცემთა დაცვის შესახებ“ საქართველოს კანონით განსაზღვრული, შესაბამისად, რეკომენდებულია დამატებით გაეცნოთ მას.

უფლების განხორციელების გზები

პერსონალური მონაცემების უსაფრთხოებისა და მართვის ეფექტურობის უზრუნველსაყოფად ჩვენ დავნიშნეთ პერსონალური მონაცემების დაცვის ოფიცერი. თუ გსურთ ისარგებლოთ რომელიმე წინამდებარე პოლიტიკით თქვენთვის მინიჭებული უფლებით ან გაქვთ რაიმე შეკითხვა/შენიშვნა იმის შესახებ, თუ როგორ ვამუშავებთ თქვენს პერსონალურ მონაცემებს, გთხოვთ, დაუკავშირდეთ ჩვენს გუნდს. ჩვენი პერსონალური მონაცემების დაცვის ოფიცრის საკონტაქტო ინფორმაციაა:

ელ.ფოსტა: dpo@goodwill.ge

ტელეფონი: +995 511 25 46 26

მისამართი: ფარნავაზ მეფის გამზ. N1, 24/7 / ქავთარაძის ქ. N1, 24/7 (სითი მოლი)

თქვენი შეტყობინების მიღებისთანავე, ჩვენი ოფიცერი 3 (სამი) სამუშაო დღის ვადაში დაადასტურებს მათ მიღებას და მოგაწვდით თქვენი მოთხოვნის მოკვლევისა და განხილვისთვის საჭირო სავარაუდო ვადას. როდესაც თქვენი უფლების განხორციელებისთვის მოქმედი რეგულაციებით დადგენილია კონკრეტული ვადები, ჩვენ უზრუნველვყოფთ მათთან შესაბამისობას. ამასთან, თქვენ არ მოგეთხოვებათ რაიმე საფასურის გადახდა თქვენს პერსონალურ მონაცემებზე განხორციელებული შეტყობინების, წვდომის ან სხვა სამართლებრივი უფლების გამოყენებისათვის, გარდა კანონმდებლობით დადგენილი გამონაკლისებისა (მაგალითად, თუ საფასური გათვალისწინებულია კანონმდებლობით ან/და დაწესებულია მონაცემთა შენახვის ფორმისგან განსხვავებული ფორმით მათი გაცემისთვის დახარჯული რესურსის ან/და მოთხოვნის სიხშირის გამო). მონაცემთა სუბიექტის მიერ მოთხოვნების არაგონივრული სიხშირით წარდგენის შემთხვევაში ჩვენ ვიტოვებთ უფლებას, უარი განვაცხადოთ მის შესრულებაზე.

ჩვენი მიზანია, მოგაწოდოთ მკაფიო და ყოვლისმომცველი პასუხები, მათ შორის ნებისმიერი განხორციელებული ქმედებების, დასკვნებისა ან შედეგების დეტალებზე. თუ თქვენ არ დაგაკმაყოფილებთ ჩვენი პასუხი ან ფიქრობთ, რომ თქვენი მონაცემთა დაცვის უფლებები დაირღვა, თქვენ გაქვთ უფლება, მიმართოთ შესაბამის სამეთვალყურეო ორგანოს, პერსონალურ მონაცემთა დაცვის სამსახურს (დამატებითი ინფორმაციისთვის შეგიძლიათ ეწვიოთ სამსახურის ვებგვერდს https://personaldata.ge/) . თუმცა, ჩვენი თქვენდამი ერთგულების ნიშნად, გთხოვთ, რომ ნებისმიერი შეტყობინება, პირველ ყოვლისა, ჩვენთან განახორციელოთ.

გაითვალისწინეთ, რომ ჩვენ, შესაძლოა, დაგვჭირდეს თქვენგან კონკრეტული ინფორმაცია, რომელიც დაგვეხმარება თქვენი ვინაობის დადასტურებასა და თქვენს პერსონალურ მონაცემებზე წვდომის (ან თქვენი მხრიდან სხვა სამართლებრივი უფლების გამოყენების) უზრუნველყოფაში. აღნიშნული წარმოადგენს უსაფრთხოების ზომას, რაც უზრუნველყოფს არაუფლებამოსილი პირისათვის თქვენი პერსონალური მონაცემების გამჟღავნების პრევენციას. ჩვენ, ასევე, შესაძლებელია დაგიკავშირდეთ თქვენი მოთხოვნის თაობაზე დამატებითი ინფორმაციის მისაღებად, რათა დავაჩქაროთ საპასუხო ინფორმაციის მოწოდება.

VIII. დასკვნითი დებულებები

ცვლილებები და განახლებები

„გუდვილი“ უფლებამოსილია შეცვალოს ან განაახლოს წინამდებარე პოლიტიკა ნებისმიერ დროს. ჩვენი რეკომენდაციაა, პერიოდულად გაეცნოთ წინამდებარე პოლიტიკას, რათა იყოთ ინფორმირებული იმის შესახებ, თუ როგორ ვამუშავებთ და ვიცავთ თქვენს პერსონალურ მონაცემებს. წინამდებარე პოლიტიკის ნებისმიერი განახლება ან ცვლილება განთავსდება ჩვენს ვებ-გვერდზე და ჩვენ, ასევე, შეიძლება შეგატყობინოთ ეს სხვა ელექტრონული საშუალებების გამოყენებით, მაგალითად, როგორიც არის სოც.ქსელი ან ელექტრონული ფოსტა, ასევე, ჩვენს ფიზიკურ ლოკაციებზე შეტყობინების თვალსაჩინო ადგილას განთვასებით. ჩვენი მომსახურების განგრძობადი გამოყენება გულისხმობს, რომ თქვენზე მოქმედებს განახლებული/ შესწორებული პერსონალურ მონაცემთა დაცვის პოლიტიკა და ადასტურებს თქვენი მხრიდან მის მიღებას.

წინამდებარე პოლიტიკის დებულებებით არის შებოჭილი ჩვენთან დაკავშირებული მონაცემთა დამუშავებისათვის პასუხისმგებელი, მონაცემთა დამუშავებაზე უფლებამოსილი და თანადამუშავებისათვის პასუხისმგებელი პირ(ებ)ი.

დიდ მადლობას გიხდით, რომ გვანდობთ თქვენს პერსონალურ მონაცემებს. თქვენი კონფიდენციალურობა და პერსონალურ მონაცემთა დაცვის პრეფერენციები ჩვენთვის მნიშვნელოვანია და ჩვენ მზად ვართ, დაგეხმაროთ თქვენი არჩევანისა და მონაცემთა უსაფრთხოების უზრუნველყოფის მიზნით გადადგმულ ყოველ ნაბიჯზე.

^{^[1]} გაითვალისწინეთ, რომ ისეთი სახის ტექსტობრივი ცვლილება, რომელიც არ იწვევს შინაარსის ცვლილებას, არ საჭიროებს დამატებით თანხმობას, თუმცა, ჩვენ აუცილებლად გაგიზიარებთ ცვლილების შესახებ ინფორმაციას ამ პოლიტიკით დადგენილი წესით.